 |
|
|
| Jürgen Hennings is van us gahn VON ERHARD BRÜCHERT, SPIEKERBAAS |
|
 |
Jürgen Hennings bi de Verleihen van de Ehrenmitgliedschaft van't Neddersassischen Heimatbund bi'n Neddersassendaq 7. Maimaand 2010 in Verden. Foto: NHB |
| An 'n 17. Juni 2010 is Jürgen Hennings stürben. He is 72 Johr
oolt worrn. För mennigeen keem de Naricht woll heel unverwacht. De
langjährig Spiekerbaas und Ehren-Spiekerbaas is woll jedereen
bekannt, de in de Ollnborger Landskup off in anner Institutionen van
kulturell Belang för Plattdüütsch strieden deiht. Jürgen Hennings,
van sien Profession her een Mann ut de Wirtskap un Verwaltung, hett
al in de Tied van 1978 bit 1989 as 2. Vörsitter van de
SPIEKER-Heimatbund för nedderdüütsche Kultur - sük düchtig dorför
insett, dat de Heimatbund in de Tradition van Heinrich Diers (1947
bit 1978 Spie¬kerbaas) un Hans Dirks (1978 bit 1989 Spiekerbaas)
wiederföhrtwarrt. „Snacken köönt wi all -Doon is 'n Ding!" Dit oole
Woort van Heinrich Diers weer ok för Jürgen Hennings een Verplichten,
dat he de verscheeden Krings in 'n SPIEKER an 't Loopen hollen un
wieder utboot hett. In de Tied van 1989 bit 2006 weer Jürgen
Hennings denn söbenteihn lange Johrn de Spiekerbaas -un in disse
Tied hett he de SPIEKER un sien nägen Krings up faste Been stellt un
ok in de Arbeitsgemeenskap Nedderdüütsch van de Ollnborger Landskup
verankert. De meesten Maaten van de Arbeitsgemeenskap weern un sünd
ok in de SPIEKER aktiv. Man, nich blots in un för Ollnborg - Stadt
un Land - nee, ok in Neddersassen un |
|
| in Norddüütschland weer Jürgen Hennings för dat Plattdüütsche
ünnerwägens un weer nich bang, sien Muul uptorieten: in de Biraat
van dat Institut för Nedderdüütsche Spraak in Bremen, in de
Arbeitsgemeenskap Nedderdüütsch van de Neddersassischen Heimatbund
in Hannover, bi de Bevensen-Dagfohrt, bi de Bunnesraat för
Nedderdüütsch off in anner Lannesverbände för Nedderdüütsch in
Hamborg, Schleswig-Holstein un later denn ok in de nee Bunneslän-ner.
Sien gröttste Sorg weer alltiet, dat Plattdüütsch nich meer genog in
Kinnergaarn, Schoolen un Universitäten an de jung Minschen
wiedergäben worrn schall. Un so hett he ok düchtig doran arbeit, dat
an de Universität Ollnborg vandag een germanistisch-linguistisch
Lehrstohl för nedderdüütsche Spraak un Literatur existeeren deiht.
Dat Verbinnen van plattdüütsch Basis, Vereene, Brauchtum, Schrieven
bit henn na de Spraakwetenskap weer em een groot Anleggen. |
|
| De SPIEKER un de twee Spraaken, Hoch un Platt - dat weer sien Läben. Un ok noch as Spieker-Ehrenbaas seit 2006 hett he sück heel stark maakt för de „Plattdüütsch Stiftung Neddersas-sen", de van Stade ut in Gang sett worrn is un in de Tüschentied överall in Neddersassen Stütt un Stöön kreegen deiht. Sien Sörg weer bit an sien Läbens-Enn, dat de Regional-spraak Nedderdüütsch in us globale Tieden nich genog pleegt, ut-forscht un vermiddelt warrn kunn. Dat disse Sörg minner warrt- doran willt wi, de SPIEKER, de Ollnborger Landskup un all Platt-düütsch-Frünnen, wieterhenn arbeiden. | |